Заңдастыру туралы талаптарын орындамаған кезде осындай көлік құралы бар адам қолайсыз салдарлар қатерін өзіне алады.
Кейбір Жол көлік оқиғаларына қатысушылар болып Қазақстан Республикасының азаматтары болған, олар шет елден әкелген көлік құралдарын заңдастырмаған кезде осы көлік құралдары иелерінің құқықтық мәртебесі туралы мәселе туындайтыны көрсетілген.
Талап қою кезінде мұндай адамдар сотқа меншік иелері-шетелдік азаматтардың көлікті иеленуге, басқаруға және оған билік етуге сенімхатын береді.
Мысалы Ақтөбе қаласы сотының 2022 жылғы 30 мамырдағы шешімімен Ж. Х. М.Т. ЖКО салдарынан келтірілген зиянды ӛндіріп алу туралы талап қоюы қанағаттандырылды.
Сот шешімі заңды күшіне енді, апелляциялық тәртіппен шағым берілмеген.
Сонымен қатар іс материалдарынан талап қоюшы Ж.Х. көлік құралының иесі еместігі, оны Ресей Федерациясының Уфа қаласында А.А. берген сенімхаттың негізінде басқарғаны анықталды.
Талап қоюшы көлік құралын уәкілетті органда уақытша есепке қоймаған.
ҚР АК-нің 167-бабының 1-тармағына сәйкес бiр адамның (сенiм бiлдiрушiнiң) өз атынан өкiлдiк ету үшiн екiншi адамға (сенiм бiлдiрген) берген жазбаша уәкiлдiгi сенiмхат деп танылады.
Көрсетілген нормаға байланысты сенімхат меншік иесі-шетелдік азаматтан иелік етудің заңдылығын растайды, бірақ меншік құқығының туындауын растамайды.
Бұдан басқа, қазіргі уақытта Қазақстан Республикасында көлік құралын басқару үшін сенімхат талап етілмейді. Аталған адамдар шетелдік көлік құралдарын заңдастырмаған, тиісінше оларға меншік құқығын алмаған, осыған байланысты Ақтөбе облысының соттары осындай адамдардың өз мүдделері үшін берген басқа да талап қоюларын қанағаттандырудан заңды түрде бас тартты.
Мысалы, Ақтөбе облысы Алға аудандық сотының 2023 жылғы 24 наурыздағы шешімімен Н.Б. А.Д. ЖКО-мен келтірілген залалды өтеу туралы талап қоюын қанағаттандырудан бас тартылды. Жауапкер ауыл шаруашылығы жануарларын жаю ережелерін бұзғаны үшін ЖКО-ға кінәлі деп танылған.
Сот талап қоюшы Н.Б. Ресей Федерациясының азаматы Р.К. тіркелген «Kia Spectra» маркалы көлік құралының иесі емес екенін анықтады, талап қоюшы сақтандыру полисінің негізінде көлік құралын басқарған.
Бірінші сатыдағы сот Н.Б. тиісті талап қоюшы қорытындыға келді. Талап қоюшыда сақтандыру полисінің болуы меншік құқығын алмастырмайды және осы талапты қоюға құқық бермейді.
Сақтандыру полисі талап қоюшының өзінің залалды өтеу бойынша азаматтық-құқықтық жауаптылығы туындаған кезде ғана маңызды болады. Ақтөбе облыстық сотының аталған ұстанымы құқық нормаларына сәйкес келеді, өйткені Қазақстан Республикасы Үкіметінің 2023 жылғы 9 қаңтардағы №13 қаулысына сәйкес Қазақстан Республикасының аумағына 2022 жылғы 1 қыркүйекке дейін әкелінген көлік құралдарының белгілі бір санаттары осындай көлік құралдарын әкелуді жүзеге асырған жеке тұлғаларды өндірушілердің (импорттаушылардың) міндеттемелерінен босата отырып, бастапқы тіркеуге жатады. кеңейтілген Көрсетілген нормативтік құқықтық актінің талаптарын орындамаған кезде Қазақстан Республикасының аумағында көлік құралдары бар, оларды заңдастырмаған адамдар осыған байланысты қолайсыз салдарлардың тәуекелін өзіне қабылдайды.
Істердің соттылығы
Істердің соттылығы АПК-нің 29-бабында белгіленген жалпы қағидаларға сәйкес, яғни жауапкер жеке тұлғаның тұрғылықты жері бойынша немесе жауапкер заңды тұлғаның орналасқан жері бойынша айқындалады.
Сонымен қатар, мертігуден немесе денсаулығының ӛзге де зақымдануынан, сондай-ақ асыраушысының қайтыс болуынан келген зиянды ӛтеу туралы талап қоюларды талап қоюшы өзінің тұрғылықты жері бойынша немесе зиян келтірілген жер бойынша бере алады (АПК-нің 30-бабының бесінші бӛлігі).
Мемлекеттік баж сотқа берілетін талаптардан
«Салық және бюджетке тӛленетін басқа да міндетті тӛлемдер туралы» ҚР Кодексінің (Салық кодексі) 610-бабының 1-тармағына сәйкес, материалдық залалды ӛндіріп алу туралы сотқа берілетін талаптардан мемлекеттік баж мынадай: жеке тұлғалар үшін талап қою сомасының 1 пайызы, бірақ 10 000 АЕК-тен аспайтын, заңды тұлғалар үшін талап қою сомасының 3 пайызы, бірақ 20 000 АЕК-тен аспайтын, мүліктік емес сипаттағы талап қою арыздарынан – 0,5 АЕК мӛлшерінде алынады.
Талап қоюшылар мертігуден немесе денсаулығын өзге де зақымдаудан, сондай-ақ асыраушысының қайтыс болуынан келтірілген зиянды ӛтеу туралы талап қоюлар бойынша Салық кодексінің 616-бабы 5) тармақшасының негізінде мемлекеттік баж тӛлеуден босатылды.
Заңнамада сотқа дейінгі реттеу тәртібін сақтауы көзделмеген
Заңнамада жоғары қауіптілік кӛзінен (бұдан әрі – ЖҚК) келтірілген зиянды өтеу туралы даулар бойынша талап қоюшының сотқа дейінгі реттеу тәртібін сақтауы көзделмегенін соттардың назарда ұстағаны жөн.
Мысал: Алматы қаласы Алатау аудандық сотының 2023 жылғы 5 сәуірдегі ұйғарымымен Д.Н. Қ.Қ. және Е.Ж. ЖҚК-ден келтірілген материалдық залалды ӛндіріп алу туралы талап қоюы дауды сотқа дейінгі реттеу тәртібін сақтамауына байланысты қараусыз қалдырылған.
ҚР АПК-нің 279-бабының 1) тармақшасына сәйкес сот, егер талап қоюшы осы санаттағы істер үшін заңда белгіленген немесе шартта кӛзделген дауды сотқа дейін реттеу тәртібін сақтамаса және осы тәртіпті қолданудың мүмкіндігі жойылмаса, талап қоюды қараусыз қалдырады.
Егер істердің белгілі бір санаты үшін дауды сотқа дейін реттеу тәртібі заңда белгіленсе немесе шартта көзделсе, сотқа жүгіну осы тәртіп сақталғаннан кейін мүмкін болады (ҚР АПК 8-бабының алтыншы бӛлігі). К
Көрсетілген нормалар ескеріле отырып, Алматы қалалық сотының азаматтық істер жӛніндегі сот алқасының 2023 жылғы 18 мамырдағы ұйғарымымен бірінші сатыдағы соттың ұйғарымының күші жойылып, істі мәні бойынша қарау үшін бірінші сатыдағы сотқа берілді.
Талапкерлер ол азаматтар мен заңды тұлғалар болып табылады
ҚР АПК-нің 47-бабының бірінші бөлігіне сәйкес өздерінің бұзылған немесе даулы құқықтары мен бостандықтарын, заңды мүдделерін қорғап талап қою берген немесе осы Кодексте көзделген тәртіппен өзге де тұлғалар оларды қорғап талап қою берген азаматтар мен заңды тұлғалар талап қоюшылар болып табылады.
Нормативтік құқықтық база
Осы құқықтық қатынастарды реттейтін және талданатын санаттағы істерді қарау кезінде қолдануға жататын нормативтік құқықтық актілер:
- Қазақстан Республикасының Конституциясы;
- Қазақстан Республикасының Азаматтық кодексі (бұдан әрі – АК);
- Қазақстан Республикасының Азаматтық процестік кодексі (бұдан әрі АПК);
- «Әкімшілік құқық бұзушылық туралы» Қазақстан Республикасының Кодексі (бұдан әрі - ӘҚБтК);
- Қазақстан Республикасының Еңбек кодексі (бұдан әрі – Еңбек кодексі);
- «Көлік құралдары иелерінің азаматтық-құқықтық жауапкершілігін міндетті сақтандыру туралы» Қазақстан Республикасының Заңы;
- «Тасымалдаушының жолаушылар алдындағы азаматтық-құқықтық жауапкершілігін міндетті сақтандыру туралы» Қазақстан Республикасының Заңы; - «Жол қозғалысы туралы» 2014 жылғы 17 сәуірдегі Қазақстан Республикасының Заңы;
- «Сақтандыру шарттарынан туындайтын даулар бойынша сот практикасы туралы» Қазақстан Республикасы Жоғарғы Сотының 2017 жылғы 6 қазандағы №8 нормативтік қаулысы;
- «Соттардың моральдық зиянды өтеу туралы заңнаманы қолдануы туралы» Қазақстан Республикасы Жоғарғы Сотының 2015 жылғы 27 қарашадағы № 7 нормативтік қаулысы;
2 - «Республика соттарының денсаулыққа келтірілген зиянды өтеу жөніндегі заңнаманы қолдануының кейбір мәселелері туралы» Қазақстан Республикасы Жоғарғы Сотының 1999 жылғы 9 шілдедегі № 9 нормативтік қаулысы;
- Қазақстан Республикасы Ұлттық Банкі Басқармасының 2016 жылғы 28 қаңтардағы №14 қаулысымен бекітілген Көлік құралына келтірілген зиянның мөлшерін айқындау қағидалары;
- «Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы» Қазақстан Республикасы Ішкі істер министрінің 2023 жылғы 30 маусымдағы № 534 бұйрығы;
- Қазақстан Республикасы Экология, Геология және табиғи ресурстар министрінің 2022 жылғы 20 мамырдағы №168 бұйрығымен бекітілген Үй жануарларын ұстаудың және серуендетудің үлгілік қағидалары;
- Қазақстан Республикасы Ауыл шаруашылығы министрінің 2020 жылғы 29 сәуірдегі №145 бұйрығымен бекітілген Ауыл шаруашылығы жануарларын жаюдың үлгілік қағидалары.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды.
Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
